Google+ 彩妝造型師 0930-001031 新娘秘書 全省服務: 梁烈唯女朋友

2013年1月21日 星期一

梁烈唯女朋友

梁烈唯女朋友
梁烈唯女朋友 : 梁烈唯爆有女藝人撩上樓

無綫藝人梁烈唯(唯唯)雖最近被黃浩控告誹謗而捲入是非,不過他依然無損心情向前望。談到拍拖十年的女友Tina,唯唯自言早已認定對方,即使有行內「飛來蜢」向他主動獻媚,定力十足的他即向對方使出一招「快刀斬亂麻」,不欲對方有任何遐想,如此好男人,果然世間少有!


梁烈唯女朋友

梁烈唯女朋友


相戀十年 維護女友

梁烈唯(唯唯)早前在台慶勇奪「飛躍進步男藝員」時,曾公開感謝拍拖十年的女友Tina,不過唯唯坦言在入行時曾掙扎過應否公開戀情,不過Tina以一招「以退為進」就把網友擊倒。而用情最深的他,縱使沒有女友看管,他也會對狂蜂浪蝶使出「快刀斬亂麻」,讓對他心儀的女士知難而退。

明星夢醒咗之後,我就公開有女朋友。以前覺得出街唔可以同佢拖手,唔可以畀人知我拍拖,可能因為見到以前嘅藝人都係咁,就有呢個概念。但後來見到黎耀祥同張智霖有好成功嘅事業同美滿家庭,我就諗如果你畀我事業好成功,但唔可以有美滿家庭,我就會覺得好慘!因為當你成功嘅時候,你最想就係同家人、鍾意嘅人分享。

網友留言攻擊

微博上有網友好變態,試過留言攻擊我女友樣衰同肉酸,其實我好嬲,有幾次真係想喺微博罵嗰個人,不過佢叫我唔好,仲同我講:「你唔好理佢哋啦,咁事實上我真係樣衰!」我梗係即刻同佢講黐線啦,講真,我覺得佢靚咪得囉!
後來有一次佢又畀網友鬧樣衰,佢竟留言答:「係呀!我真係樣衰!唔好意思!」搞到對方留言話:「其實我唔係咁嘅意思,唔好意思呀!」所以話,你愈對佢好,佢自己仲(火羅),反而你鬧佢,佢可能覺得更加過癮,呢啲嘢都係從女友身上學番嚟。
梁烈唯女朋友

搭順風車賴死

我試過順路車一位女藝員返屋企,當然我都會同我女友講番聲。試過有一次,佢竟然到咗都唔落車,仲喺度問做戲嘅嘢,當時我好眼瞓,不停咁打呵欠,而且第二日要好早起身。而佢見到我毫無反應,就問我:「你要唔要上嚟飲杯咖啡?」我一聽到就覺得好反感,然後同佢講:「唔需要啦!其實我聽日開好早,唔該你落車!」遇到呢啲情況真係唔可以令對方有任何遐想,當然佢都知難而退,立即落車。

專注事業 唔急生B

唯唯對女友忠貞不移,結婚之事指日可待,不過他卻選擇事業為重,認為既然早已認定對方,形式還是留待合適的時機才進行,認為人生未享受就等同白過,與女友拍拖十年,唯唯坦言只去過一次泰國旅行,故他認為首要任務應先享受二人世界,所以不急於生兒育女。
女友好清楚我為人,我係一個超級情緒化嘅人,最憎人逼我做一啲唔鍾意做嘅事。佢又知我依家努力工作,所以佢唔會逼我,反而身邊嘅朋友成日都催我結婚。我成日都覺得對一個藝人嚟講,願意公開咗有另一半,對女朋友已經係一種肯定。加上我哋又一齊住,又有自己嘅家,其實同結咗婚冇分別,只係差簽一張紙同擺酒,形式上嘅嘢可以等,事業再穩定啲先做,咁就更加好!
梁烈唯女朋友

享受二人世界

我女朋友好想生小朋友,佢一見到就會癲咗咁衝過去湊仔,我就冇佢咁誇張,但有時見到朋友嘅小朋友會諗,如果我生咗個仔咁得意都幾正,但都未有勇氣!而我見到黃浩然生咗個仔之後就唔可以買名牌,但我覺得自己工作上啱啱開始有啲眉目,真係想滿足吓自己嘅物欲,兩個人過吓二人世界先。同女朋友拍咗拖十年,淨係同佢去過一次泰國旅行,真係慘!

【後記】:「茄哩啡」吐氣揚眉

娛樂圈世態炎涼,不只是藝人之間有「見高拜、見低踩」,其實街上的途人亦然。他想起未紅時,也黯然地說:「曾去一間茶餐廳時見到一對情侶,個女仔指住我同個男朋友講:『嗰個呀‥‥‥做戲好好笑嗰個!』跟住個男朋友一望:『X!茄哩啡!』嗰一刻都有啲唔開心。」
時移勢易,做訪問當天,我們再一次來到茶餐廳,唯唯甫進店內即向侍應大嗌:「兩位!」此時入面的食客抬頭一望,雙眼發光,就連該侍應都久久未能定神,足見唯唯果然今時唔同往日。

沒有留言:

張貼留言